Svakalegt að lesa um morðin í Virginia Tech í dag. Ég segi þetta til marks um hvað vanlíðan og einangrun gerir fólki. Það hlýtur að vera afar óhamingjusamur og sár einstaklingur sem gerir svona lagað ..efast um að þetta sé verk einhvers síkópata. Það eru einfaldlega of mörg sár sem skapast af skóladvöl til að það tengist ekki ákvörðinni um að myrða fólk þar.

Sá að Barnahús eru að leita að ritara. Barnahús tekur á móti börnum sem hafa orðið fyrir kynferðislegri misnotkun. Persónulega tel ég að einelti og kynferðisleg misnotkun hafi mjög svipuð áhrif á þolendur þess. Ég hef unnið talsvert með fólki sem hefur orðið fyrir bæði, þó ég hafi "aðeins" upplifað einelti sjálf. Ætli ég fengi vinnuna ?

Einhvernveginn snýst allt um háskólagráður á vinnumarkaðnum í dag. Sem angrar mig ekki neitt. Ég hlakka bara til að fara að læra betur hvernig ég get hjálpað fólki að ná tökum á lífi sínu. Fyndið hvað mig langar að hjálpa fólki á andlega sviðinu, því mig hryllir við heilbrigðisstéttinni - líkamlegri heilsuhlynningu. Kannski því það líkamleg lækning er lengra komin, fyrir almenning, en sú andlega. Finnst vanta svo mikið uppá að fólki líði vel ..fái tilfinningalegt uppeldi, læri ekki bara stærðfræði og málfræði.

[ permanent url ] [ ]